Əməkdaşlıq proqramları

ƏMƏKDAŞLIQ PROQRAMI

“Əməkdaşlıq proqramı” çərçivəsində özünə güvənən gənclər və şirkət əməkdaşları, şirkətlər və sahibkarlar, elektron ticarət ilə ciddi məşğul olmaq və bizneslərini qurmaq istəyən hər kəs iştirak edə bilər.

 

Kimlər iştirak edə və bəhrələnə bilər:

 

1. Şirkətlər, sahibkarlar və fermerlər

Şirkətlər (istehsalçılar, ticarət firmaları, xidmət sektoru, idxalçı, ixracatçı), fərdi sahibkarlar və fermerlər öz və ya digər sahibkar və şirkətlərin (dost və tanışları, partnyorları) məhsullarını bizim Platformada yerləşdirib – öz şirkətləri və məhsulları haqqında bazarı məlumatlandırmaq, tanıtım və reklam etmək və satışlar həyata keçirmək imkanı əldə edirlər. Bu da Sizə  öz məhsullarınızı satmaq, həmdə digər dəvət etdiyiniz şirkətlərin qoşulmasından və ya satış dövriyyəsindən qazanmaq imkanı verəcəkdir.

 

2. Şirkətlərin marketinq və satış menecerləri, marketoloqları, marketinq direktorları

Bu vəzifələri icra edən əməkdaşların təmsil etdikləri şirkətlərin məhsullarını satmaq və ticarət dövriyyəsini artırmaq - əsas vəzifələridi.  Siz buna görə yüksək əmək haqqı alırsınız və məsuliyyət daşıyırsınız. Əks halda nə karyera pilləsində qalxmaq, nə də işdə uzun müddət qalmaq ehtimalı olmayacaq.

Bizim əməkdaşlıq proqramına qoşularaq Siz, bir tərəfdən, şirkətlərinizin satışlarını artırırsınız, ikinci tərəfdən isə,  özünüz üçün isə əlavə gəlir mənbəyi yaradırsınız. Bu gəlir bir müddətdən sonra  mövcud əmək haqqınızın səviyyəsinə qədər artacaq və ya daha çox olacaq. Ən əsası isə Sizi işsizlikdən sığortalayacaq və davamlı gəlir mənbəyi formalaşdıracaq.

 

3. Marketinq və pazarlama şirkətləri, müstəqil marketoloqlar, sosial media sahibləri və agentlikləri

Özünə güvənən, peşəkar mütəxəssislər ilə zəngin bu qurumlar və digər fərdi peşəkarlar fəal şəkildə bizim əməkdaşlıq proqramının iştirakçısı ola bilərlər.

Şirkət nümayəndələri ilə B2B görüşlər keçirib, onları bizim platformaya cəlb edərək - Siz davamlı gəlir mənbəyi və yeni müştərilər əldə edə biləcəksiniz.

Bundan əlavə, Siz hər iki Platformada reklam yerləşdirmək istəyən şirkətləri dəvət edərək 20%  komissiya qazanacaqsınız.

Elektron KİV-lər (məsələn, fed.az, trend.az, banker.az, fins.az, marja.az və digərləri) öz səhifələrində bizim banneri yerləşdirib, şirkət və sahibkarları dəvət edərək yeni gəlir mənbəyi  əldə edə bilərlər.

 

4.  Sahibkarların ictimai qurumları, assosiasiyalar, sahibkarlar klubları, ticarət palataları, sahibkarlara və ixraca dəstək edən digər qurumlar və şəxslər

Bu tip qurumlar daimi olaraq şirkət və sahibkarlarla əlaqəli işlədikləri üçün Siz  üzvlərinizi, tanıdığınız şirkətləri  bizim platformaya cəlb edərək öz maliyyə davamlığınızı və gəlirlərinizi təmin edə biləcəksiniz. Həmçinin, Siz öz üzvlərinizə yeni xidmət təklif edərək onların biznesinə dəstək nümayiş etmək imkanı əldə edirsiniz.

 

5. Elektron ticarət ilə məşğul olan və olmaq istəyən şəxslər, bizimlə fərdi biznesini qurmaq istəyən məsuliyyətli və bacarıqlı gənclər, geniş işgüzar əlaqəyə və kommunikasiya malik olan insanlar (istər ölkədə, istər xaricdə).

Bir çoxumuz əlavə gəlir qazanmaq üçün müxtəlif formalarda elektron ticarət ilə məşğul olmağa çalışırıq. Məsələn, fərdi qaydada yerli və ya xarici internet mağaza açaraq, dropşippinq fəaliyyəti ilə məşğul olaraq, Alibaba, Ebay, Amazon və digər platformaların imkanlarından və təkliflərindən bəhrələnərək. Sözsüz ki, bu tip fəaliyyətlərin öz müsbət və mənfi tərəfləri, üstünlükləri və çatışmamazlıqları var. Paypalın olmaması, çatdırılma ilə bağlı tez və keyfiyyətli çatdırılmaya olan ehtiyyac, satıcılara etibar, müxtəlif platformalarda və servislərdə qeydiyyatla bağlı problemlər, ban olmaq problemi və sairə.

Ən əsası isə odur ki, Siz başqa ölkələrin elektron ticarət platformalarını və başqa ölkələrin şirkətlərini və sahibkarlarını qazandırırsınız. Lakin bunun  qarşılığında bəzən çox az qazanc əldə edirsiniz.

Bəli, bunun əsas səbəblərindən biri də ölkədə elektron ticarətin zəif inkişaf etməsi, nümunəvi və maraqlı vahid elektron ticarət platformalarının olmamasıdı.

Qeyd etdiyim bəzi problemləri aradan qaldırmaq, sahibkarlar və şirkətlər, əhali və qazanc əldə etmək insanlar arasında elektron ticarətə maraq artımaq üçün Biz belə bir layihənin icrasına başladıq. Sizdən də iştirak və dəstək gözləyirik.

Əməkdaşlıq proqramında fəal iştirak edən və yaxşı nəticələr göstərən  şəxslər yaxın gələcəkdə həm bizim Azərbaycan ofisində, həmdə gələcəkdə xaricdə yaratdığımız ofislərdə işlə təmin olunacaqlar.

 

Bu proqramda iştirak edərək necə qazanmaq və bəhrələnmək olar?

Bəs Bizimlə əməkdaşlıq edərək necə qazanmaq olar? Öncə qeyd etdiyim kimi təklif etdiyim əməkdaşlıq proqramı “Amazon”-da, “Alibaba”da  və digər platformalarda mövcud deyil. Hesab edirik ki, bu yenilikdi.

1. Şirkət və sahibkarları Platformaya cəlb etmək ilə (onların məhsullarının Platformada yerləşdirilməsi)

Bunu Siz müxtəlif üsullarla edə bilərsiniz:

• Şəxsi işgüzar və qohumluq əlaqələri, tanışlar;
• Sosial media (sosial şəbəkələr) vasitəsilə;
• Şirkətlərin rəhbərləri və marketinq menecerləri ilə B2B görüşlərin keçirilməsi;
• Email-marketinq, təkliflərin göndərilməsi;
• Telefon-marketinq;
• Təqdimatların keçirilməsi və sairə. Seçim Sizindi.

Qeyd edim ki, Platforma beynəlxalq olduğuna görə bura digər ölkələrdən də şirkət və sahibkarlar (əsasən MDB ölkələri, Türkiyə, Avropa, Çin və sairə) dəvət edə bilərsiniz.

Həmçinin, şirkətlərin reklamlarının yerləşdirilməsindən də, Siz, komissiya əldə edə biləcəksiniz (20%).

 

 TARİFLƏR VƏ PAKETLƏR

Hal-hazırda Platformaya qoşulmaq üçün 2 əsas paket mövcuddur.

 

“ABUNƏ”  PAKETİ

“Abunə” paketi haqqında məlumat:

Bu paket vasitəsilə qoşulmaq istəyən şirkət və sahibkarlar aşağıdakı məbləğdə aylıq abunə haqqları ödəməlidirlər:

1. Fərdi sahibkarlar – ayda 30 AZN. Abunə haqqının  3 ayı öncədən ödənilməlidir.

2. Kiçik müəssisələr – ayda 50 AZN. Abunə haqqının  3 ayı öncədən ödənilməlidir.

3. Orta müəssisələr – ayda 100 AZN. Abunə haqqının 6 ayı öncədən ödənilməlidir.

4. İri müəssisələr və holdinqlər  – ayda 200 AZN. İllik abunə haqqı öncədən ödənilməlidir.

Bizim partnyorlar müvafiq olaraq fərdi sahibkarlar və kiçik müəssisələrə görə -  50 AZN, orta sahibkarlara görə - 100 AZN, iri şirkətlərə və holdinqlərə görə - 200 AZN məbləğində birdəfəlik komissiya qazanırlar. Bu komissiya digər illər ərzində də (şirkət növbəti ilin abunə haqqını ödədikdə) Sizə ödəniləcək.

Əgər il ərzində 50 böyük şirkət (yerli) cəlb etsəniz – gəliriniz 10 000 AZN olacaq və bu məbləği yuxarıda qeyd etdiyimiz kimi hər il əldə edəcəksiniz.

Qeyd etmək istərdim ki, xarici şirkətlərlər üçün abunə haqqı USD ilə hesablanır. Əgər cəlb etdiyiniz şirkət xarici şirkət olarsa onda – 10 000 USD qazanacaqsınız.

“Abunə” paketində Platformaya qoşulan şirkətlər məhsulun yerləşdirilməsi üçün ödəniş etmirlər və etdikləri satışdan Platformaya komissiya ödəmirlər.

Məsullarını Platformada yerləşdirən şirkətlər Platforma daxilində məhsulları ilə doldurulmuş şəxsi internet mağaza və ya məhsul vitrini əldə edirlər. Bu xidmət – PULSUZDUR.

 

“KOMİSSİYA”  PAKETİ

“Komissiya” paketi haqqında məlumat:

Bu paket vasitəsilə qoşulmaq istəyən şirkət və sahibkarlar yerləşdirdikləri hər məhsula görə illik – 2 AZN ödəyirlər. Xarici şirkət və sahibkarlar isə  - 2 USD.

Məsələn, 100 məhsul yerləşdirən yerli şirkət – 200 AZN, xarici şirkət isə – 200 USD.

Qeyd edək ki, 10-20 məhsul – PULSUZ yerləşdirilir.

Bundan əlavə şirkət və sahibkar Platforma üzərindən həyata keçirilən topdan satışlardan - maksimum 5%, pərakəndə satışlardan isə 10-20 % dərəcəsində (danışıqlardan asılı olaraq) Platformaya komissiya mükafatı  ödəyir.

Gördüyünüz kimi, “Komissiya” paketində məhsulun yerləşdirilməsi üçün xırda ödəniş, həm də satışdan komissiya nəzərdə tutulub.

 

Bəs partnyorların gəliri nə olacaq?

Sizin gəliriniz dəvət etdiyiniz şirkətin və ya sahibkarın Platforma üzərindən həyata keçirdiyi satış dövriyyəsinin gəlir hissəsinin 20 % olacaq.

Məsələn, Sizin dəvət etdiyiniz A şirkəti ay ərzində 100 000 AZN həcmində topdan satış həyata keçirdi. Bunun 5 %  (yəni 5000 AZN)  Platformanın gəliri sayılır. Bu 5000 AZN-lik gəlirin  20 % (yəni 1000 AZN) – Sizin gəliriniz olacaq. Və 3 aydan bir 3 aylıq gəliriniz hesablanaraq Sizə ödəniləcək. Bu proses davamlı olacaq.

“ELEKTRON AQENT”  PROQRAMI

“Elektron aqent” proqramı bizim aqentlərə  Platforma üzərindən etdiyi satışlardan qazanc etmək imkanı yaradacaq.

Elektron aqentlər hər satdıqları məhsuldan (topdan və ya pərakəndə) daxil olan gəlirin  10 % -nı qazanc kimi əldə edir. Lakin bu “Komissiya” paketi ilə qoşulan şirkətlərin məhsullarına aid edilir.

“Abunə” paket ilə qoşulan şirkətlərin məhsulların bu proqrama qoşulması aşağıda qeyd olunan hallarda mümkündür:

1. Əgər şirkət əvvəlki paketi dəyişib  - “Komissiya” paketini seçərsə;
2. Əgər şirkət paketi dəyişmədən bu proqrama qoşulmaq istərsə.

Məsələn, Siz ay ərzində A şirkətinin 100 000 AZN həcmində məhsulunun topdan satışını həyata keçirdiniz. Bunun 5 %  (yəni 5000 AZN)  Platformanın gəliri sayılır. Bu 5000 AZN-lik gəlirin  10 %  (yəni 500 AZN) – Sizin gəliriniz olacaq. Və 3 aydan bir 3 aylıq gəliriniz Sizə ödəniləcək. Bu proses davamlı olacaq.

“KATEQORIYA MENECERI”  PROQRAMI

Əgər Siz konkret olaraq hər hansı bir məhsulun və ya məhsul kateqoriyasının satışı ilə məşğul olmaq istəyirsinizsə (öncə bu məhsulların satışı ilə məşğul olmusunuz, geniş təchizatçı və alıcı bazanız var) onda bizim platformaların imkanlarından istifadə edə bilərsiz.

Məsələn, hal-hazırda və ya əvvəlki işinizdə Siz avtomobillərin ehtiyyat hissələrinin satışı ilə məşğul olmusuz. Geniş əlaqələrə maliksiniz və bu sahədə öz biznesinizi qurmaq istəyirsiz.

Və ya, Siz avtomobillərin ehtiyyat hissələrinin satışı ilə məşğul  olan şirkət və ya mağazada işləyirsiz. Bu şirkətin və ya mağazanın məhsullarını Platforma üzərindən sataraq həm öz biznesinizi qurun, həm də şirkət və ya mağazanıza dəstək olun.

Bu iş Sizin üçün asan olsun deyə, Biz “Komissiya” paketi yaratdıq və məhsulun yerləşdirilməsinə üçün illik 2 AZN məbləğ təyin etdik.

Sizə, təqdim etdiyimiz Platformada seçdiyiniz məhsul kateqoriyasının meneceri kimi müstəqil fəaliyyətə və biznesə başlamaq imkanı veriləcək.

Siz, Platformada seçdiniz məhsul kateqoriyasında həm məhsulların yerləşdirilməsindən, həm satışından, həmdə çatdırılmasından qazanc əldə edəcəksiniz.

"REKLAM AQENTİ" PROQRAMI

Reklam və marketinq sahəsində təcrübəsi olanlar həmçinin reklam aqenti kimi də bizimlə əməkdaşlıq edə bilərlər.

Platformada şirkət və sahibkarların reklamlarını yerləşdirməklə, Siz cəlb olunan məbləğin 20 % qazanırsınız.

Bizdə bir neçə formada reklam mümkündür:

1. Əsas slaydlarda reklam;
2. Ani açılan pəncərədə reklam;
3. Reklam blokunda reklam;
4. Seçilmiş məhsulların birinci səhifədə yerləşdirilməsi.

“TƏCHİZATÇI”  PROQRAMI

Bu proqramda  şirkətlərin təchizat və satınalma şöbələrində işləyən əməkdaşlar iştirak edə bilər.

Şirkətinizə lazım olan məhsulları Platformadan sifariş etdiyinizdə, Siz hər alqı-satqı dövriyyəsinin gəlir hissəsindən 10 % mənfəət əldə edə biləcəksiniz.

Məsələn, Siz ay ərzində Platformadan 100 000 AZN həcmində məhsul sifariş etdiniz. Bunun 5 %  (yəni 5000 AZN)  Platformanın gəliri sayılır. Bu 5000 AZN-lik gəlirin  10 %  (yəni 500 AZN) – Sizin gəliriniz olacaq. Və 3 aydan bir 3 aylıq gəliriniz Sizə ödəniləcək. Bu proses davamlı olacaq.